| SSteinn

Langar þig í áritaða mynd?

Stuðningsmönnum Liverpool FC á Íslandi býðst nú einstakt tækifæri í tengslum við árshátíð klúbbsins sem fram fer þann 16. apríl nk.  Fyrirtækið Opus Events hefur aðstoðað okkur við að bjóða heiðursgestum á árshátíð klúbbsins og í ár verður engin breyting þar á.  Liverpool Legend mun heiðra okkur með nærveru sinni, en þar sem Opus Event er í góðu sambandi við fyrirliða Liverpool FC, þá ætla þeir að bjóða þeim sem áhuga hafa á, að eignast áritaða mynd af kappanum, persónuleg til viðkomandi.


Mynd 1


Mynd 2



Mynd 3



Mynd 4



Mynd 5



Mynd 6

Þetta eru einstakar myndir af kappanum og verður um takmarkað upplag að ræða.  Þið þurfið að láta okkur vita með því að senda póst á [email protected], þar sem fram kemur hvaða nafn skuli stíla áritunina á ásamt fullu nafni, kennitölu og símanúmeri.  Einnig númerið á myndinni sem óskað er eftir.  Áritunin mun svo verða einhvern veginn á þennan hátt:

To XXXXXX
Best Wishes
Steven Gerrard

Við munum svo senda póst út á Opus Events þegar greitt hefur verið fyrir myndina og munu þeir félagar svo koma og afhenda okkur þær í tengslum við árshátíðina okkar þegar þeir mæta hingað á klakann.  Steven Gerrard verður sjálfur vant við látinn þá helgi, enda á Liverpool að spila gegn Arsenal á sunnudeginum.  

Myndunum (þær eru í stærðinni 30x40 cm) fylgir svo staðfesting á að um ekta áritun sé að ræða.

Verð pr. mynd er 8.000 krónur og mun hluti andvirðisins renna til góðgerðamála í Liverpool.  Engin mynd verður staðfest fyrr en greiðsla hefur borist inn á reikning númer 0537-26-116662, kt: 460896-2319 og nauðsynlegt er að setja kennitölu þess sem greitt er fyrir í skýringarreitinn, öðruvísi náum við ekki að tengja greiðsluna saman við myndina.  Eins er hægt að greiða með kredit korti og geta menn þá haft samband við Braga Brynjars í síma 820-9206.

Frestur til að panta mynd og ganga frá greiðslu er til miðnættis föstudagsins 25. mars.
TIL BAKA
Nýlegar fréttir
Fleiri fréttir
Fréttageymslan

Allur réttur áskilinn, © Liverpoolklúbburinn á Íslandi, 1999 - 2024

Email: [email protected].

Liverpoolklúbburinn á Íslandi á Facebook