Betra að tapa fyrir Liverpool!

Gerard Houllier fékk ekkert á Anfield Road í mánudagskvöldið nema hlýjar móttökur. Liverpool yfirspilaði Aston Villa og vann öruggan sigur 3:0. En það var greinilegt að Gerard Houllier hugsaði um meira en nýja liðið sitt á gamla heimavellinum sínum og gott ef hann tók ekki undir þegar You´ll Never Walk Alone hljómaði fyrir leikinn.
 
Eftir leik sagði Gerard að það væri gott að tapa fyrir Liverpool fyrst tap þurfti að verða niðurstaðan í leiknum. 

,,Mér líkar ekki að tapa 3:0 en það er betra að tapa svoleiðis fyrir Liverpool því mér þykir vænt um Liverpool."

Stuðningsmönnum Aston Villa var ekki skemmt og Gerard Houllier reyndi að útskýra ummælin á vefsíðu félagsins með sérstakri yfirlýsingu. Í henni sagði hann að ummælin hefðu verið sögð í gríni. Ljóst er að flestum stuðningsmönnum Liverpool fannst þetta ekkert fyndið hjá Frakkanum!