Jose Reina leiðir Liverpool

Eins og kunnugt er þá eru þeir Steven Gerrard og Jamie Carragher meiddir. Það þarf því að finna nýjan mann til að leiða liðið í næstu leikjum. Roy Hodgson hefur ákveðið að Jose Reina verði fyrirliði Liverpool í kvöld í Búkarest. Sú ákvörðun kemur ekki á óvart því Jose er leikreyndastur þeirra manna sem fóru til Rúmeníu.

Frétt þessa efnis birtist á Liverpoolfc.tv. Í henni var tekið fram að ekki væri búið að ákveða hvort Jose myndi leiða Liverpool gegn Aston Villa eða í öðrum leikjum þar til Steven Gerrard snýr aftur til leiks.

Ekki er ólíklegt að Jose verði skipaður fyrirliði í næstu leikjum því hann er mikill leiðtogi og virtur meðal félaga sinna.