| Sf. Gutt

Gerard Houllier mætir á Anfield!

Gerard Houllier hefur bæði stjórnað Liverpool og Lyon. Hann verður að sjálfsögðu gestur á Anfield Road í kvöld þegar þessi félög, sem hann hefur stjórnað, mætast í mikilvægum Evrópuleik.

Gerard Houllier var framkvæmdastjóri Liverpool frá 1998 til 2004 og vann sex titla með félaginu. Hann gerði svo Lyon tvívegis að frönskum meisturum. Liverpool er þó nærri hjarta hans og hann telur félagið eitt af mestu knattspyrnufélögum í Evrópu.

"Liverpool er mikils metið félag. Mér finnst að það sé eitt af bestu félögum í Evrópu og kannski það besta af þeim öllum. Það er frábært fólk hjá félaginu, mjög góður framkvæmdastjóri og góðir leikmenn."

En með hvoru liðinu skyldi Gerard Houllier halda í kvöld?

"Ég vil ekki missa af þessum leik og verð á honum. Ég held að ég muni ekki láta tilfinningar mínar í ljós þótt annað hvort liðið skori. Allir vita þó að Liverpool er mér mjög hjartfólgið. Það mun aldrei breytast."

Viðtalið við Gerard Houllier kom á sjónvarpsstöð Lyn F.C.



TIL BAKA
Nýlegar fréttir
Fleiri fréttir
Fréttageymslan