Fabio Aurelio meiddur

Fabio Aurelio meiddist á hné þegar hann var að leika sér í fótbolta með börnum sínum og verður jafnvel frá keppni í nokkra mánuði.



Það er Daily Express sem segir frá þessum skakkaföllum Aurelios í dag. Samkvæmt heimildarmönnum blaðsins var Aurelio að leik með börnum sínum, syninum Fabio yngri og dótturinni Viktoríu, þegar hann sneri sig svo illa að gömul hnémeiðsl tóku sig upp að nýju.

Allt útlit er fyrir að Aurelio þurfi að fara í aðgerð og missi því bæði af undirbúningstímabilinu og fyrstu leikjunum í Úrvalsdeildinni.

Þetta gæti þýtt að Andrea Dossena sé ekki á förum frá Liverpool í sumar, því fyrir utan hann og Aurelio er hinn ungi Emilio Insua eini vinstri bakvörðurinn í aðalliðinu. Sem stendur a.m.k.

Aurelio á eitt ár eftir af samningi sínum hjá Liverpool.