Leto kemur líklega aftur

Rafa Benítez segist ekki vilja selja Sebastian Leto en Argentínumaðurinn ungi hefur verið á láni hjá gríska liðinu Olympiakos allt tímabilið.

Leto fékk ekki atvinnuleyfi í Englandi síðastliðið sumar og var Benítez ekki kátur með það, hann átti því engan kost annan en að lána Leto.

,,Við munum reyna að finna einhverja lausn, ég vil ekki að hann fari," sagði Benítez.

Ef Leto fær ekki atvinnuleyfi í Englandi í sumar mun Benítez þá líklega taka þá ákvörðun að selja Leto.