Fánadagur á Players í kvöld

Í kringum leik Liverpool FC og Chelsea í kvöld, verður haldinn fánadagur á vegum Liverpoolklúbbsins á Íslandi á Players í Kópavogi.  Fánadagar hafa verið fastur liður í starfsemi klúbbsins undanfarin ár og hafa heppnast einstaklega vel.

Nú er lag að draga fram sem mest af Liverpool tengdum hlutum, treflum, fánum, búningum og hreinlega hverju sem menn búa yfir, skarta sínu fegursta og mynda ógleymanlega stemmningu á góðu Evrópukvöldi.

Þeir sem mæta á svæðið geta tekið þátt í öflugri getraun þar sem í vinning verður Liverpooltreyja.

Það er um að gera að mæta snemma á svæðið, taka fullan þátt í góðu kvöldi í góðra félaga hópi, hvort sem þú þekkir marga á svæðinu eða engan.

Munið að taka með ykkur nóg af fánum og treflum og síðast en ekki síst ykkar flottasta Liverpool búning.