Leikurinn í dag á Players

Það þýðir ekkert að slaka á fyrir okkar menn þessa dagana, við verðum að setja pressu á fjendur okkar sem sitja í sætinu sem við viljum vera í.  Leikur Fulham og Liverpool hefst í dag klukkan 16:30 og verður að sjálfsögðu í beinni útsendingu á heimavelli Liverpoolklúbbsins á Íslandi, Players í Kópavogi.

Nú er lag og um að gera að halda áfram að hvetja lið sitt áfram, þótt menn séu í ansi langri fjarlægð frá sjálfum vellinum.

Stemmningin á staðnum hefur verið frábær í vetur og nú er um að gera að halda því áfram og ef þú átt einhvern möguleika á að mæta á svæðið þá væri gaman að sjá þig á svæðinu.