Keane er enn mikilvægur

Rafael Benítez hefur sett Robbie Keane aftur í leikmannahópinn fyrir leikinn gegn Wigan í kvöld. Hann segir Írann enn mikilvægan leikmann í hópnum, en mikið hefur verið rætt um framtíð hans hjá félaginu eftir að hann var ekki valinn í leikmannahópinn gegn Everton í bikarnum um síðustu helgi.

"Keane er nú kominn aftur í hópinn svo að við getum hætt að tala um hann og framtíð hans. Allir eru mikilvægir fyrir okkur núna. Það eru margir leikir framundan á næstum vikum, í deild, bikar og Evrópukeppni. Við þurfum á öllum að halda. Menn spila kannski ekki alltaf en tveimur vikum síðar gæti einhver meiðst og þá þurfum við á viðkomandi að halda.  Allir, þar á meðal Robbie, æfa vel núna. Hann er reyndur og vonandi verður hann mikilvægur leikmaður fyrir okkur."