Nemeth og Lindfield lánaðir

Sóknarmennirnir Krisztian Nemeth og Craig Lindfield hafa verið lánaðir til liða í neðri deildum Englands.

Nemeth, sem er nýorðinn tvítugur og er hér á mynd, mun vera næsta mánuð hjá Blackpool en þeir spila í næst efstu deild.  Nemeth hefur ekki fengið tækifæri með aðalliðinu á tímabilinu en hann hefur reyndar verið meiddur mestan hluta tímabilsins.  Hann spilaði í nokkrum leikjum á undirbúningstímabilinu og er talið mikið efni.  Til að mynda hefur hann nú þegar spilað með aðallandsliði Ungverja.

Lindfield mun hinsvegar vera á láni hjá Accrington Stanley til loka tímabilsins en Accrington spila í neðstu atvinnumannadeildinni. Hann hefur áður farið í lán til Notts County og Chester.