Ryan Flynn lánaður

Miðjumaðurinn Ryan Flynn hefur verið lánaður til Wrexham næsta mánuðinn.  Wrexham spila í utandeildinni á Englandi og knattspyrnustjóri þeirra er hinn góðkunni fyrrum leikmaður Liverpool, Dean Saunders.

Flynn, sem getur spilað á miðri miðjunni eða sem afturliggjandi sóknarmaður, kom til Liverpool frá Falkirk árið 2006.

Hann var lykilmaður í FA bikarsigrum unglingaliðsins og skoraði hann í úrslitaleiknum gegn Manchester City 2006 og skoraði hann þrjú mörk í keppninni árið 2007.

Þessi ungi Skoti var einnig hluti af varaliðinu sem urðu Englandsmeistarar á síðasta tímabili.  Hann á enn eftir að spila fyrir aðalliðið en hefur þó verið viðloðinn það í æfingaleikjum.