Robbie Keane dregur sig úr írska landsliðshópnum

Robbie Keane hefur dregið sig út úr írska landsliðshópnum vegna meiðsla.  Robbie var valinn í írska landsliðið sem á að spila vináttuleik við Pólverja á Croke Park í Dublin á miðvikudaginn.

Robbie Keane var kominn til Dublin til móts við landsliðshópinn. En hann fékk svo frí vegna meiðsla á öxl og er nú kominn heim til Liverpool þar sem meiðslin verða meðhöndluð.

Robbie fær því frí þessa vikuna en verður vonandi orðinn leikfær þegar Liverpool spilar við Fulham næsta laugardag.