Sebastian Leto lánaður til Grikklands

Argentínski útherjinn Sebastian Leto hefur verið lánaður til Grikklands. Lánssamningurinn var augljós afleiðing þess að Sebastian fékk ekki atvinnuleyfi á Englandi. Sebastian fer til Olympiakos og verður þar næstu tvö árin. Frá þessu er greint á vefsíðu BBC en staðfesting hefur enn ekki birtst frá Liverpool.

Sebastian hafði þetta að segja í viðtali við vefsíðu Olympiakos.

"Það er verðug áskorun fyrir mig að fara til Olympiakos og ég veit að ég verð hérna næstu tvö árin. Ég er búinn að æfa í tvær vikur með Liverpool núna á undirbúningstímabilinu og ég held að ég sé tilbúinn að takast á við hvað sem er. Olympiakos er frábært lið sem er jafnan í baráttu um alla titla í Grikklandi og liðið leikur líka í Meistaradeildinni. Í liðinu eru góðir leikmenn, þjálfari liðsins er vel þekktur og hinir öflugu stuðningsmenn liðsins hvetja það alltaf til dáða."

Sebastian Leto kom frá Club Atlético Lanús í Argentínu fyrir einu ári. Hann lék fjóra leiki með Liverpool snemma á síðustu leiktíð. Þá kom upp að hann hefði ekki tilskilið atvinnuleyfi á Englandi og hann hefur ekki leikið með aðalliði Liverpool síðan. Hann lék reyndar þrjá æfingaleiki núna á