Við munum ekki hanga í vörn

Andrea Dossena, nýji vinstri bakvörðurinn í liði Liverpool, hefur sagt stuðningsmönnum félagsins að búast ekki við varnarbolta af hálfu liðsins á næsta tímabili, þrátt fyrir að ítölsk áhrif hafa bæst í varnarlínuna. Hann segist ekki líka við varnarbolta sem að einkennist af mörgum liðum á Ítalíu sem að reyna að hanga á eins marks forystu.

"Ég er ekki aðdáandi varnarbolta, það er ekki fyrir mig. Mér líkar ekki þegar lið reyna bara að senda sín á milli til að eyða tímanum. Ef maður fær á sig mark undir lok leiksins, þá gæti allt sem að þú hefur unnið að farið í súginn.

Ég vil ekki tala um að ítalskur fótbolti gangi bara út á varnarleiki og skyndisóknir.

Auðvitað lít ég á sjálfan mig sem varnarmann en ég vil vera sveigjanlegur líka. Ef það er möguleiki til að sækja framar á völlinn þá er ég ánægður með að sækja fram.

Ég er ekki sú týpa af leikmanni sem að er sáttur með 1-0 sigur og reyni að halda því. Ég reyni alltaf að spila til sigurs og að reyna að skora fleiri mörk." sagði Andrea við LFC Magazine tímaritið.

Andrea og Philipp Degen, sem að komu til félagsins fyrr í mánuðinum,  teljast báðir vera sóknarsinnaðir bakverðir og verður því að segjast að þeir gætu lífgað mikið upp á sóknarleik Liverpool sem að þótti með eindæmis ágætur á síðasta tímabili, en liðið skoraði flest mörk enskra liða en alls skoraði liðið 111 mörk í öllum keppnum.