Bruno Cheyrou telur að Liverpool muni skora

Síðasti leikmaður Liverpool til að skora á Stamford Bridge hefur sagt að Liverpool muni skora á miðvikudaginn. Það er erfitt að trúa því að Liverpool hafi ekki skorað mark á Stamford Bridge síðan í janúar 2004 þegar Bruno Cheyrou skoraði. [Á mynd]

En Fernando Torres undirbýr sig nú fyrir sinn fyrsta leik á Stamford Bridge og einnig John Arne Riise sem myndi gera allt til að verða hetjan fyrir Liverpool. Cheyrou telur að Liverpool muni skora.

Núverandi miðjumaður Rennes sagði: "Þegar ég heyrði að ég var síðasti leikmaður Liverpool til að skora á Stamford Bridge var ég nokkuð stoltur. Að spila fyrir Liverpool var frábært og ég mun verða fastur fyrir framan sjónvarpið á miðvikudaginn.

"Ég var mjög miður mín þegar Riise skoraði sjálfsmarkið en John er sterkur og þetta mun ekki hafa mjög mikil áhrif á hann, það kæmi mér ekki á óvart ef hann myndi skora sigurmarkið á miðvikudaginn. En mitt ráð til Liverpool er að trúa á að liðið geti skorað.

"Liverpool er betra lið núna en fyrir 4 árum, ég er viss um að þeir nái góðum úrslitum." sagði Bruno Cheyrou að lokum.