Grannaslagur númer 207!

Liverpool og Everton ganga á hólm í 207. sinn á morgun. Allt er tilbúið fyrir enn einn stórslag þessara fornu keppinauta. Liverpool vann fyrri leik liðanna á þessari leiktíð þegar tvær vítaspyrnur Dirk Kuyt tryggðu Liverpool 2:1 sigur á Goodison Park. Hann varð þá um leið fyrsti leikmaðurinn í þessum 207 leikjum til að skora úr tveimur vítaspyrnum í sama leiknum. Liverpool hefur unnið 80 af leikjunum, Everton 64 og 62 sinnum hafa liðin skilið jöfn. Þetta verður í 178 sinn sem Liverpool og Everton leiða saman hesta sína í deildarleik.

Hér á Liverpool.is er til umfjöllun um rimmur Liverpool og Everton. Það er ekki úr vegi að líta á hana á meðan að beðið er eftir leik númer 207!