Steven bætir enn Evrópumarkamet sitt!

Steven Gerrard heldur enn áfram að bæta Evrópumarkamet sitt fyrir Liverpool.

Hann skoraði sitt 24. Evrópumark þegar hann innsiglaði 2:0 sigur Liverpool á Inter Milan.

Markið hans gegn Inter var líka sögulegt fyrir aðrar sakir því Steven hefur nú skorað í fimm Evrópuleikjum í röð á þessari leiktíð. Þetta hefur leikmaður Liverpool aldrei afrekað áður á sömu leiktíðinni. Þar fyrir utan má nefna að markið sem Steven skoraði gegn Inter var 50. markið sem hann skorar fyrir Liverpool á Anfield Road. Í heild hefur Steven skorað 93 mörk fyrir Liverpool.