James Smith farinn

Varnarmaðurinn James Smith hefur yfirgefið Liverpool. Hvað sem úr ferli hans verður þá á James það á afrekaskrá sinni að hafa leikið einu sinni með aðalliði Liverpool og það á Anfield Road. Einhverjir gætu kannski sætt sig við það þegar ferlinum lýkur. James lék sinn eina leik með uppeldisfélagi sínu þegar Liverpool vann 4:3 sigur yfir Reading í Deildarbikarnum á síðustu leiktíð. James kom þá inn sem varamaður fyrir Lee Peltier á 74. mínútu.

James Smith gerði hálfs árs samning við Stockport County. Hann þekkir til á þeim bæ því hann var í láni hjá félaginu fyrr á leiktíðinni. Hann lék þá 12 leiki með Stockport. James var mjög ánægður með að komast aftur til Stockport. "Ég var mjög ánægður með alIt hjá County þegar ég var hérna og þá vildi ég ekki fara aftur. Ég er því hæst ánægður með að vera kominn hingað aftur."