Liverpool var frábært!

Liverpool sóttu franska liðið Marseille heim síðastliðinn þriðjudag í úrslitarimmu í riðlakeppni Meistaradeildar Evrópu og lauk þeirri viðureign með stórum sigri Liverpool. Framkvæmdastjóri franska liðsins, Eric Gerets, viðurkenndi að lið hans hafi verið yfirspilað af Liverpool í leiknum.



"Það er mikil skömm að við skildum hafa tapað síðasta leiknum en við verðum að hrósa mótherjunum okkar sem að spiluðu eins og þeir þurftu að gera.

Ég verð að viðurkenna það að leikskipulag okkar var gagnslaust vegna þess að Liverpool voru alltof góðir. Ég sagði ekkert við leikmennina eftir leikinn vegna þess að ég hefði getað séð eftir því." sagði Eric Gerets.

Gerets hrósaði síðan fyrirliðanum Steven Gerrard með ansi einföldum orðum:

"Steven Gerrard er einfaldlega stórkostlegur."