Hvað sagði Rafa við Robbie?

Líklega standa flestir stuðningsmenn Liverpool í ævarandi þakkarskuld við Rafael Benítez fyrir að fá Robbie Fowler aftur heim til Liverpool á sínum tíma. Robbie er ekki síður þakklátur Rafael fyrir að hafa gefið sér tækifæri á að leika aftur með Liverpool.

Fyrir Deildarbikarleik Liverpool og Cardiff hyllti Rafael goðsögnina og sagði hann hafa staðið sig með sóma eftir endurkomu sína. Það kom því ekki á óvart að það færi vel á þeim félögum eftir leikinn. Þegar flautað var til leiksloka gekk Rafael út á völlinn og faðmaði Robbie að sér. Hann sagði eitthvað við hann en hvað skyldi það hafa verið?

"Ég einfaldlega óskaði honum góðs gengis. Hann reyndist okkur frábærlega þegar hann kom aftur hingað til félagsins. Hann er farinn frá okkur en hann skilur eftir sig minningar um frábæran leikmann."