Styles biðst afsökunar

Rob Styles sem breytti heldur betur gangi leiksins á Anfield um helgina hefur beðist opinberlega afsökunar á því að dæma vítaspyrnu á Liverpool gegn Chelsea:

"Allir dómarar vonast til þess að gera ekki mistök en maður getur gert þau og haft þar með áhrif á úrslit leikja. Ég gerði mistök í gær þegar ég dæmdi víti og hafði þar með áhrif á úrslit leiksins og biðst afsökunar á því."

Rob Styles hefur dæmt frá árinu 1996 og dæmdi m.a. úrslitaleik ensku bikarkeppninnar árið 2005 þegar Arsenal bar sigurorð af Manchester United í vítaspyrnukeppni. Hann hefur því mikla reynslu en pressan bugaði hann gjörsamlega í spennandi leik á Anfield sem hann rústaði upp á sitt einsdæmi.

Keith Hackett formaður dómaranefndar sagði einnig að hann hafi komið afsökunarbeiðni til Rafa Benítez og skildist að Styles ætlaði sér einnig að biðja Liverpool persónulega afsökunar.