Enn þokast Mohamed Salah upp listann!

Sigurmark Mohamed Salah í Burnley í gær færði hann upp um eitt sæti á markalistanum í Úrvalsdeildinni. Hann er nú fjórði markahæsti leikmaður efstu deildar á Englandi frá því 1992. Markið á móti Burnley var númer 188 hjá Kónginum frá Egyptalandi. Hér að neðan er listinn yfir fimm markahæstu menn í sögu Úrvalsdeildarinnar. 

1. Alan Shearer - 260 mörk í 441 leik.

2. Harry Kane - 213 mörk í 320 leikjum. 

3. Wayne Rooney - 208 mörk í 491 leik. 

4. Mohamed Salah - 188 mörk í 305 leikjum.

5. Andy Cole - 187 mörk í 414 leikjum. 

Sé horft á listann er áhugavert að Mohamed og Harry skera sig nokkuð úr ef miðað er við hversu fáa leiki þeir þurftu miðað við hina þrjá. Magnaður árangur!