Meiðslafréttir

Nú í upphafi árs er rétt að taka stöðuna í sambandi við meiðslamálin. Meiðslalistinn er frekar stuttur í bili sem er auðvitað hið besta mál. 

Ibrahima Konaté og Conor Bradley meiddust báðir í Evrópuleiknum á móti Real Madrid seinni partinn í nóvember. Þeir eru nú á batavegi og geta farið að spila fljótlega. Í það minnsta eru þeir farnir að taka fyrstu skrefin á æfingavellinum. 

Joe Gomez fór meiddur af velli á móti West Ham United fyrir áramótin. Hann tognaði aftan í læri. Tognunin var í verri kantinum og hann verður frá í einhverjar vikur. 

Það verður gott að fá Ibrahima inn nú þegar Joe verður frá. Sem stendur eru ekki fleiri af fastamönnum Liverpool á meiðslalistanum.