Diogo Jota meiddur

Gat það verið! Loksins þegar Diogo Jota var kominn í gang og búinn að skora er hann úr leik að sinni. Hann varð fyrir meiðslum í leiknum á móti Fulham á sunnudaginn en hann skoraði einmitt sitt 100. mark í ensku knattspyrnunni í leiknum. Diogo var nýkominn til baka eftir meiðsli sem hann varð fyrir á móti Brentford í febrúar. 


Diogo fann fyrir eymslum í mjöðminni eftir leikinn. Þau versnuðu og nú er talið líklegt að hann verði frá í hálfan mánuð eða svo. Það er hið versta mál enda er Diogo búinn að skora 15 sinnum á keppnistímabilinu. Aðeins Mohamed Salah og Darwin Núnez hafa skorað fleiri mörk á sparktíðinni fyrir Liverpool.