Þriðji markahæstur í Evrópu

Frá því Mohamed Salah gekk til liðs við Liverpool hafa aðeins tveir leikmenn í fimm sterkustu deildum Evrópu skorað fleiri mörk. Sannarlega magnaður árangur hjá Egyptanum! 

Sigurmark Mohamed Salah á móti Red Bull Salzburg var 77. mark hans fyrir Liverpool frá því hann skoraði sitt fyrsta mark í sínum fyrsta leik á móti Watford í ágúst 2017. Hann skoraði 44 mörk á því keppnistímabili og 27 á því síðasta. Hingað til á þessari leiktíð hefur hann skorað sex mörk. Mörkin 77 hefur Mohamed skorað í 115 leikjum. 

Sem fyrr segir hafa aðeins tveir leikmenn skorað fleiri mörk en Mohamed í sterkustu deildum Evrópu. Mörk í öllum keppnum eru talin.