Nathaniel Clyne úr leik

Nathaniel Clyne mun ekki spila næstu mánuðina en hann meiddist illa á hné í æfingaleiknum á móti Borussia Dortmund. Krossbönd sködduðust og hann gæti verið hálft ár frá. 

Öll meiðsli koma á slæmum tíma en þessi koma á versta tíma. Nathaniel skoraði í fyrsta æfingaleiknum þegar Liverpool vann Tranmere Rovers. Hann þótti spila vel í fyrstu þremur æfingaleikjunum og allt leit vel út. 

Nathaniel Clyne var í láni hjá Bournemouth eftir áramót og til vors. Eitthvað var talað um að hann færi hugsanlega frá Liverpool í sumar og var hermt að Crystal Palace hefði áhuga. En nú er hann farinn heim til Liverpool þar sem hans bíður aðgerð og langt bataferli.