Gerrard í hópnum

Steven Gerrard er í hópnum sem ferðast til Madrid á þriðjudagsmorguninn fyrir fyrri leik liðsins við Real Madrid í 16-liða úrslitum Meistaradeildarinnar á miðvikudaginn.

Gerrard hefur verið meiddur undanfarnar þrjár vikur en hann æfði á Melwood í morgun og hefur, að því er virðist, náð sér af meiðslunum.

Rafael Benítez sagði þetta um Gerrard:  ,,Steven verður í hópnum.  Hann var í góðu lagi á æfingu í morgun.  Þetta var öðruvísi æfing þannig að við vorum ekki að reyna 100% á hann, en hann æfði vel og við sjáum nú til."