Mascherano ekki með gegn Newcastle

Groddaleg tækling Mark Noble á fyrrum liðsfélaga sínum Javier Mascherano í leik West Ham og Liverpool á Anfield hefur tekið sinn toll.

Argentínumaðurinn haltraði útaf í leiknum og skildi liðsfélaga sína einum manni færri á vellinum þannig að ljóst var að hann gæti misst af nokkrum leikjum. Það er líka vafamál hvort hann spili í seinni leiknum gegn Inter 11. mars sem væri mikið áfall fyrir Liverpool enda átti hann stórkostlegan leik í fyrri leik liðanna á Anfield.

"Ég verð að ræða við læknaliðið áður en ég ákveð hvort hann verði með gegn Inter Milan en hann verður ekki með um helgina gegn Newcastle," segir Rafael Benitez.