Torres með gegn Barnsley?

Rafael Benítez er bjartsýnn á að Fernando Torres verði búinn að ná sér af meiðslum sínum fyrir leikin gegn Barnsley í enska bikarnum á laugardag. Torres missti af leiknum gegn Chelsea í gær þar sem hann tognaði aftan á læri í æfingaleik með spænska landsliðinu í miðri síðustu viku.

"Kannski verður hægt að velja hann í leikinn um næstu helgi gegn Barnsley. Við höfum tíma. Sjúkraþjálfararnir vinna mikið með hann. Hann ætti að vera í lagi."

Það er ekki aðeins gott að hann geti spilað þennan leik. Liverpool leikur gegn Inter í meistaradeildinni á þriðjudaginn eftir viku og það er að sjálfsögðu gríðarlega mikilvægt að hann nái að leika þann leik.