Gerrard ekki með gegn Chelsea

Steven Gerrard verður ekki með gegn Chelsea í deildarbikarnum á morgun sem eykur líkurnar á því að Xabi Alonso byrji inná.

Steven er sagður hafa magakveisu og heldur því ekki með leikmannahópi Liverpool á morgun til London. Xabi Alonso er til í slaginn að nýju eftir að hafa verið meira eða minna frá vegna meiðsla síðan um miðjan september.

Rafa er feginn að geta valið Alonso aftur í liðið: "Xabi hefur æft af krafti og gott að fá hann aftur því það er mikilvægt að hafa mikilvægustu menn sína til taks þegar annasamur tími eins og jólin eru fram undan."

Leikurinn gegn Chelsea í átta liða úrslitum deildarbikarsins verður í beinni útsendingu á Sýn annað kvöld og hefst klukkan 19:45. Hér gefur á að líta eins og venjulega glæsilega upphitun fyrir leikinn á spjallborði liverpool.is.