Xabi Alonso er orðinn leikfær

Spænski miðjumaðurinn Xabi Alonso hefur nú verið úrskurðaður leikfær. Þetta er í annað sinn sem hann fær slíkan úrskurð frá því hann ristarbrotnaði í september. Xabi var í byrjunarliði Liverpool gegn Arsenal í lok október. Hann virtist á hinn bóginn ekki vera tilbúinn í slaginn þá og fór af velli meiddur í leiknum.

Nú á allt að vera í lagi og Xabi hefur fengið grænt ljós á að spila með Liverpool gegn Chelsea í Deildarbikarnum annað kvöld. Þetta eru góðar fréttir því það á eftir að vera liðinu styrkur að fá hann til leiks á nýjan leik. Xabi er búinn að leika sex leiki það sem af er leiktíðar og skora tvö mörk.