Liverpoolklúbburinn á Íslandi var stofnaður 26. mars 1994 á Ölveri. Meðlimir voru 30 talsins í upphafi en nú eru um 2100 virkir félagar í klúbbnum.
Við gefum út 4 fréttabréf yfir tímabilið á Englandi, hvert blað 40-48 bls. í A-4 broti og allt í lit. Blaðið samanstendur af einkaviðtölum sem og þýddum viðtölum við leikmenn, ferðasögum, sagnfræði og naflaskoðun á gengi liðsins hverju sinni.
Hér er efni úr ýmsum áttum. Til dæmis frábær veggfóður (e. wallpapers) frá Sigga Reynis
)
John Arne Riise
John Arne Riise var þeirri stund fegnastur þegar samningsmál Liverpool og Mónakó voru í höfn. Leeds reyndi árangurslaust að fá hann til liðs við sig síðastliðið tímabil vegna örðugleika í samskiptum við Mónakó og Fulham horfði fram á svipaða erfiðleika. Vandamálið var að gamla félagið hans Riise, Aalborg vildi 25% af söluverðinu. John Arne gaf eftir bónusinn sinn og lét hann ganga upp í borgun til Aalborg til þess að þessi hnútur leystist. Það verður að teljast afskaplega ólíklegt að Riise hefði fært slíka fórn fyrir annað félag en Liverpool. Draumur hans skyldi rætast.
"Liverpool er eitt af stærstu félögum í heimi og þegar ég fékk staðfestingu á að formlega væri búið að ganga frá samningnum fékk ég gæsahúð um allan líkamann. Þegar ég var yngri var ég Tottenhamaðdáandi en dreymdi ætíð um að leika fyrir Liverpool, Manchester United eða Arsenal. Flestir vina minna eru Liverpoolaðdáendur þannig að ég reikna með ég fái fjölda heimsókna á næsta tímabili."