Enn er Daniel meiddur

Það virðist ætla að verða bið á því að Daniel Sturridge komist til heilsu. Hann hefur ekki getað tekið þátt í tveimur síðustu leikjum vegna þess að vökvi hefur safnast í annað hnéð. Nú stendur til að senda hann í sneiðmyndatöku og það er alls ekki búist við að hann spili á móti Southampton í dag.

Daniel hefur tekið þátt í þremur leikjum hingað til á leiktíðinni og hann skoraði tvívegis í 3:2 sigri á Aston Villa. Hann var uppi í stúku þegar Liverpool spilaði við Rubin Kazan á fimmtudagskvöldið og ekki er ólíklegt að hann verði eitthvað meira þar á næstu vikum.