Steven er einstakur
Steven Gerrard átti stórleik gegn Marseille á þriðjudagskvöldið. Hann skoraði bæði mörk Liverpool og þau tryggðu 2:1 sigur. Rafael Benítez sparði ekki hrósið handa fyrirliðanum sínum eftir leikinn.
"Þessi leikur var enn eitt dæmið um hversu mikil áhrif Steven Gerrard hefur á liðið okkar. Hann er einfaldlega einstakur. Að skora tvö svona mörk, og það fyrra jafn glæsilegt og raun var á, þegar maðurinn er nýbúinn að ná sér eftir aðgerð sýnir hversu mikilvægur hann er fyrir okkur."
"Steven var þó ekki sá eini sem lét til sín taka. Liðið átti mjög traustan leik. Allir lögðu hart að sér og það gladdi mig mest. En Steven sýndi að hann getur breytt gangi leikja upp á sitt einsdæmi."
Það hafa margir orðið til þess að tjá sig um fyrra markið sem Steven Gerrard skoraði gegn Marseille. Markið var stórkostlegt og Rafael Benítez segir markið einstakt.
"Fyrsta markið hans var ótrúlegt. Þetta var stórkostlegt skot og það breytti gangi leiksins. Markið var einfaldlega svo fallegt að maður á líklega ekki eftir að sjá mörg svona mörk næstu tíu árin."
-
| HI
Aftur niður á við -
| Sf. Gutt
Diogo Jota meiddur -
| Mummi
Aðalfundur Liverpoolklúbbsins 28. maí 2024 -
| Sf. Gutt
Nýr talinn líklegur eftirmaður Jürgen Klopp! -
| Sf. Gutt
Mark númer 100! -
| Sf. Gutt
Markmiðið er að vinna alla leikina! -
| Sf. Gutt
Í rétta átt! -
| Sf. Gutt
Við erum vonsviknir! -
| HI
Úr leik í Evrópudeildinni -
| Sf. Gutt
Conor Bradley meiddur