Kuyt leikur sinn 100. leik í kvöld
Dirk Kuyt leikur sinn 100. leik fyrir Liverpool gegn Standard Liege í kvöld ef hann verður með. Hann verður 185. leikmaðurinn til að ná þeim áfanga. Rafal Benítez sagði af þessu tilefni að Hollendingurinn væri leikmaður sem allir framkvæmdastjórar myndu vilja hafa í liði sínu.
"Hann er mjög, mjög góður leikmaður fyrir hvaða lið eða leikmannahóp sem er. Hann er frábær atvinnumaður sem getur skorað mörk, og vinnslan í honum er ótrúleg. Hann er líka frábær liðsfélagi þannig að hann er leikmaður sem allir framkvæmdastjórar myndu vilja hafa í hópnum. Hann er alltaf eins í öllum leikjum og æfingum - mjög góður atvinnumaður og góður drengur.
Kuyt hefur skorað mikið í Meistaradeildinni en hann náði sjö mörkum á síðasta tímabili. Benítez segir það enga tilviljun. "Enska úrvalsdeildin snýst mikið um líkamsstyrk en í Meistaradeildinni er meiri áhersla á leikstíl. Hann hefur góðar hreyfingar og þetta gerir honum auðveldara að komast inn á vítateiginn."
Ekki er óliklegt að Dirk láti finna vel fyrir sér í kvöld en mótherjinn er frá Belgíu. Holleningar og Belgar eru auðvitað miklir keppinautar eins og títt er um allar grannþjóðir.
Þess má geta að Fernando Torres spilar sinn 50. leik í kvöld ef hann verður með. Í þeim 49 leikjum sem hann hefur spilað hefur hann skorað 34 mörk. Aðeins einn leikmaður hefur skorað meira í sínum fyrstu 50 leikjum með Liverpool - George Allan fyrir rúmum hundrað árum.
-
| Sf. Gutt
Síðasti útileikurinn -
| Sf. Gutt
Fer Luis Díaz? -
| Sf. Gutt
Kaide Gordon fær nýjan samning -
| Sf. Gutt
Mark í tveimur leikjum í röð! -
| Sf. Gutt
Svolítið hissa að sjá boltann í netinu! -
| Sf. Gutt
Elska félagið og ætla að vera áfram! -
| Sf. Gutt
Sjálfum sér líkir á nýjan leik! -
| Sf. Gutt
Ekkert mál! -
| Sf. Gutt
Í höfn! -
| Sf. Gutt
Af spjöldum sögunnar!