Steven verður fyrirliði á morgun

Steven Gerrard verður fyrirliði enska landsliðsins í æfingaleik gegn Sviss á Wembley annað kvöld.

Þetta er fyrsti leikur landsliðsins síðan Fabio Capello tók við sem landsliðsþjálfari. Gerrard var varafyrirliði fyrir John Terry meðan Steve McClaren var með liðið. Terry er ekki í liðinu að þessu sinni vegna meiðsla.

Um þessa ákvörðun sagði Capello. "Ég gerði Gerrard að fyrirliða því að ég tel að hann sé mikilvægur leikmaður fyrir England, samkvæmt mínum áætlunum. Gerrard er mikilvægur því að hann getur komið hlutum til skila, stjórnað liði og hvatt leikmenn áfram. En ég mun ekki útnefnda fyrirliða til frambúðar fyrr en fyrir leikinn gegn Andorra í september."

Þetta verður 64. landsleikurinn sem Steven Gerrard spilar og sá sjöundi sem hann leiðir liðið sem fyrirliði.