Forsíða

Jermaine Pennant

Fæðingardagur: 15.01.1983
 Fæðingarstaður: Nottingham, England
 Fyrri félög: Notts County, Arsenal, Watford, Leeds, Birmingham
 Kaupverð: £6.700.000
Byrjaði / keyptur: 26.07.2006
Upplýsingar á LFCHistory.net: Skoða
Pennant varð dýrasti unglingur í ensku knattspyrnunni þegar hann gekk til liðs við Arsenal fyrir 2 milljónir punda í janúar 1999. Arsene Wenger er meistari í að gera unglinga að fulltíða atvinnumönnum en hann réð ekki einu sinni við hinn óstýriláta Pennant. Hann lék aðeins 26 leiki fyrir Arsenal þrátt fyrir leiftrandi byrjun á ferli sínum hjá Arsenal eftir að hafa skorað þrennu í fyrsta deildarleik sínum gegn Southampton í maí 2003. Þessi þrjú mörk reyndust vera einu mörk hans sem hann skoraði fyrir Wenger.

Pennant var lánaður út og Birmingham leist nógu vel á pilt til að greiða 3 milljónir punda fyrir hann 1. júlí 2005. Pennant segir að Steve Bruce stjóri Birmingham hafi bjargað ferli sínum. Liverpool gaf honum tækifæri á að leika aftur með stórliði og því liði sem hann hafði stutt í æsku, hann var keyptur til félagsins árið 2006.

Pennant hafði verið þekktur fyrir að vera svolítill vandræðagemlingur en Rafael Benítez virtist hafa trú á því að hann gæti komið honum á beinu brautina. Ferill hans hjá Liverpool byrjaði ekki illa og er að vissu leyti ekkert hægt að segja að hann hafi komið illa út en útkoman úr leik hans þegar kom að mörkum og stoðsendingum var ekki í samræmi við það.

Frumraun hans hjá Liverpool var gegn Maccabi Haifa í forkeppni Meistaradeildarinnar tímabilið 2006-2007. Fyrsta markið hans kom í lok janúar árið 2007 þegar hann skoraði með glæsilegu skoti í sigurleik Liverpool á Chelsea. Hápunktur hans á því tímabili var líklega frammistaða hans í úrslitaleik Meistaradeildarinnar þegar Liverpool beið lægri hlut gegn AC Milan, en Pennant þótti einn besti leikmaður Liverpool í leiknum.
Á næstu leiktíð sinni hjá liðinu hélt hann uppteknum hætti en þegar leið á tímabilið fékk hann rautt spjald í leik gegn Porto í riðlakeppni Meistaradeildarinnar. Það var ekki vel liðið af Rafael Benítez og þjálfarateymi hans og kostaði þetta Pennant að miklu leyti sæti í byrjunarliðinu. Hann lék ekki aftur leik fyrr en í janúar mánuði og lék fimmtán leiki það sem eftir leið leiktíðar, þar skoraði hann tvö af þremur mörkum sínum fyrir Liverpool.

Þegar síðasta leiktíð hófst, 2008-2009, þá var ljóst að Pennant var ekki í framtíðarplönum Rafael Benítez sem reyndi að selja hann um sumarið. Hann lék eingöngu þrjá leiki á fyrri helmingi tímabilsins og því kom ekki á óvart að hann hélt á brott í félagsskiptaglugganum sem opnaði í janúar þessa árs. Hann fór á láni til Portsmouth en síðasti leikur hans fyrir Liverpool var einmitt gegn Portsmouth.

Samningur hans rann út í byrjun sumars og var löngu vitað að samningur hans við Liverpool yrði ekki framlengdur en mörg lið hafa verið á eftir honum og þá ber helst að nefna Real Madrid, Everton, Fulham og AC Milan.

Í byrjun júlí mánaðar 2009 gerði hann hins vegar samning við spænska félagið Real Zaragoza og mun hann leika þar á næstu leiktíð.
  

Tölfræðin fyrir Jermaine Pennant

TímabilDeildBikarDeildarbikarEvrópaAnnaðAlls
2006/200734 - 11 - 02 - 014 - 01 - 052 - 1
2007/200818 - 22 - 00 - 05 - 00 - 025 - 2
2008/20093 - 00 - 01 - 00 - 00 - 04 - 0
Samtals55 - 33 - 03 - 019 - 01 - 081 - 3

Fréttir, greinar og annað um Jermaine Pennant

Fréttir

10.07.2009 08:32 | Grétar Magnússon

Jermaine Pennant til Zaragoza

30.01.2009 08:00 | Sf. Gutt

Jermaine ekki sáttur með fá tækifæri

20.01.2009 20:37 | Sf. Gutt

Jermaine Pennant lánaður til Portsmouth

18.01.2009 20:45 | Sf. Gutt

Jermaine vill ekki fara frá Liverpool

16.01.2009 19:30 | Grétar Magnússon

Tilboði í Pennant tekið

09.01.2009 10:04 | Grétar Magnússon

Pennant fær eins árs samning

29.12.2008 23:54 | Sf. Gutt

Real Madrid hefur áhuga á Jermaine Pennant

15.11.2008 16:45 | Birgir Jónsson

Óvissa um framtíð Jermaine Pennant

24.09.2008 10:09 | Grétar Magnússon

Pennant vonast eftir fleiri leikjum

28.04.2008 16:57 | Ólafur Haukur Tómasson

Pennant vonast eftir tækifæri

Í nærmynd

27.01.2007

Kannski er komið að því að einn efnilegasti l ...

Leikmannaprófíll

LeikjahorniðPlayers

Leikur Úrslit
Borussia M - LFC 01.ágú. 12:30
LFC - Rabotnicki 05.ágú. 18:45
LFC - Arsenal 15.ágú. 15:00
Leikur Úrslit
Rabotnicki - LFC 0 - 2
K'slautern - LFC 1 - 0
Grasshopper - LFC 0 - 0

Vefkönnun

Hvernig heldur þú að Joe Cole eigi eftir að vegna hjá Liverpool?

Skoða eldri kannanir

Samstarfsaðilar

  • Ölgerðin
  • Jói Útherji knattspyrnuverslun
  • Players Sport Cafe
  • VITA
  • Orkan