| Grétar Magnússon

Pennant vonast eftir fleiri leikjum

Jermaine Pennant spilaði sinn fyrsta leik á tímabilinu gegn Crewe og nú vonast hann eftir því að fá fleiri tækifæri með aðalliðinu eftir góða frammistöðu.

Pennant hefur ekki komist í 18 manna hópinn fyrr á tímabilinu og hafa margir velt því fyrir sér hvort að dagar hans hjá félaginu séu taldir.  Hann átti sendinguna sem rataði á kollinn á Lucas Leiva í sigurmarkinu og nú vonast hann til þess að Benítez gefi sér fleiri tækifæri.

,,Ef maður fær tækifæri þá verður maður að nýta það og þegar lið koma á Anfield þá líta þau á það sem bikarúrslitaleik og gera okkur erfitt fyrir," sagði Pennant.  ,,Við erum með breiðan og sterkan hóp og þess vegna er svo erfitt að komast í liðið en ég held áfram að æfa og sjá hvað gerist."

,,Það var gaman að fá að spila - hvort sem það er í Deildarbikar eða einhverjum öðrum leik þá er gott að taka þátt og ég naut hverrar einustu mínútu.  Þetta gefur okkur tækifæri á því að spila annan leik og ef við erum heppnir með drátt þá getum við komist lengra í keppninni."

TIL BAKA
Nýlegar fréttir
Fleiri fréttir
Fréttageymslan