Varaliðið tapar fyrir Bradford

Varalið Liverpool tapaði fyrir varaliði Bradford, 4-2, á Valley Parade í gærkvöldi. Owen, Diomede, Ziege og Traore léku allir leikinn og koma allir til greina fyrir leikinn á laugardag. Bestu fréttirnar hljóta að vera þær að Owen lék í klukkutíma án þess að finna nokkuð fyrir hnésbótarsininni og lék ágætlega þannig að vonandi eru þessi meiðsl úr sögunni hjá honum.

Það var Alan Navarro sem skoraði bæði mörk Liverpool í leiknum. Bradford komst fyrst í 2-0 en Navarro jafnaði með tveimur mörkum áður en Bradford gerði tvö í viðbót. Öll mörkin voru skoruð í síðari hálfleik.

Lið Liverpool: Nielsen, Cavanagh, Ziege, Wright, Traore, Navarro, Partridge, Warnock, Sjölund (Armstrong 80), Owen (Miles 60), Diomède.
Ónotaðir varamenn: Crookes, Olsen, Thompson.