Carra ekki staðið sig sem skyldi

Benítez ávarpaði fjölmiðla fyrir leikinn mikilvæga gegn Bordeaux í Meistaradeildinni í kvöld og ræddi meðal annars um Carragher sem hefur ekki sýnt sínar bestu hliðar á tímabilinu.

Jamie Carragher hefur ekki staðið sig jafn vel og hann hefur gert undanfarin tímabil og aðspurður segir Rafa, Carra gagnrýna sjálfan sig miskunnarlaust: "Carra hefur talað við mig um formið sem hann er í því að hann veit að hann hefur sett markið hátt tvö síðastliðin tímabil. Hann hefur leikið vel undanfarin ár og veit að hann verður að standa sig jafn vel núna. Hann er ekki einn af þeim leikmönnum sem takast ekki á við vandamál sín. Hann veit að hann verður að bæta sig.

Maður verður að hafa sterkan leiðtoga til að leiða liðið til leiks í Meistaradeildinni. Við munum sakna Stevie en Carra er sterkur leiðtogi.