Tveir ungir varnarmenn til Liverpool

Liverpool hefur tilkynnt um kaup á tveimur 17 ára varnarmönnum, Godwin Antwi og Miquel Roque.

Roque er spænskur miðvörður sem keyptur var frá 2. deildar liðinu Lleida. Antwi er sterkur miðvörður sem getur einnig spilað á miðjunni. Hann er fæddur í Ghana og var áður á mála hjá Real Zaragoza. Báðir munu þeir æfa á Melwood.

Búist er við að þeir leiki sinn fyrsta leik með varaliði Liverpool á morgun gegn Everton, og munu Jack Hobbs og Antonio Barragan væntanlega einnig spila þann leik.