Vladimir í læknisskoðun á morgun

Vladimir Smicer hefur samþykkt tveggja ára samning við Bordeaux og fer í læknisskoðun á morgun. Hann lék eins og kunnugt er við góðan orðstír hjá Lens áður en hann fór til Liverpool í maí 1999.

Vladimir Smicer lék 184 leiki og skoraði 19 mörk á ferli sínum hjá Liverpool. Hann er án efa geðþekkasti leikmaður Liverpool sem greinarhöfundur hefur kynnst hjá Liverpool og efast ég ekki um að aðrir stjórnarmenn Liverpoolklúbbsins sem hafa heimsótt æfingasvæði Liverpool séu mér sammála. Enski boltinn hentaði kannski ekki sem best leikstíl Smicer að því leyti til að hann þarf meiri tíma á boltanum en honum gefst í Englandi til þess að nýta hæfileika sína til fullnustu. Við vonum svo sannarlega að honum vegni vel í Frakklandi.