Óraunverulega sterkur í loftinu!

Norðmaðurinn Erling Haaland, markakóngur Manchester City, segir að Virgil van Dijk sé erfiðasti leikmaður sem hann mætti á síðasta keppnistímabili.  

,,Hann var sá erfiðasti. Ég man að við áttum í vandræðum á Anfield. Ég hef alltaf sagt að Virgil er gríðarlega góður. Ég er mjög hrifinn af honum sem leikmanni. Hann er snjall og fljótur. Svo er hann einfaldlega óraunverulega sterkur í loftinu!"

Erling raðaði inn mörkum á síðustu leiktíð en honum tókst ekki að skora á móti Liverpool. Það voru ekki mörg lið sem náðu að halda norska framherjanum í skefjum.