Dirk Kuyt orðinn framkvæmdastjóri

Dirk Kuyt hefur verið ráðinn í sitt fyrsta framkvæmdastjórastarf. Hann hefur verið áhugasamur um þjálfun eftir hann lagði skóna á hilluna. 



Dirk hefur sem sagt tekið við sem framkvæmdastjóri ADO Den Haag. Liðið leikur sem stendur í næst efstu deild í Hollandi. Dirk hefur verið unglingaþjálfari hjá Feyenoord þar sem hann lauk knattspyrnuferli sínum.

Den Haag hefur tvívegis orðið hollenskur meistari og jafn oft unnið hollensku bikarkeppnina. Liðið hefur ekki unnið stórtitil á þessari öld. Verkefni Dirk til að byrja með verður að koma liðinu upp í efstu deild. 


Dirk Kuyt lék með Liverpoool frá 2006 til 2012. Hann lék 285 leiki með Liverpool, skoraði 71 mark og lagði upp 33. Dirk varð Deildarbikarmeistari með Liverpool 2012.