Stendur upp á okkur!

Liverpool hefur ekki gengið sem skyldi upp á síðkastið. James Milner segir að það standi upp á leikmenn liðsins að koma hlutum til betri vegar. 

,,Núna hefur You´ll Never Walk Alone meiri þýðingu en áður. Það þýðir ekkert að vera með neitt væl og það hjálpar ekkert að vera með einhverjar afsakanir. Það stendur upp á okkur, og okkur alla, að berjast til að komast út úr þessu. Við erum sterkastir þegar allir, leikmenn og stuðningsmenn, snúa bökum saman."

Eftir kjaftshöggið á móti Burnley er næsta verkefni að spila við Manchester United í 4. umferð FA bikarsins á Old Trafford. Vonandi snúa leikmenn Liverpool blaðinu við frá síðustu leikjum með því að komast áfram í keppninni en Liverpool hefur komist lítt áleiðis í henni á síðustu árum.