Tveir komnir heim og annar farinn aftur

Tveir ungliðar Liverpool eru komnir heim úr láni. Um er að ræða þá Adam Lewis og Ben Woodburn. Adam var í láni hjá franska liðinu Amiens. Ben, sem er á mynd hér að ofan, var hjá Blackpool. Hvorugur náði að láta til sín taka og ákveðið var að þeir kæmu aftur heim til Liverpool. 


Annar er reyndar farinn aftur á braut. Adam var nefnilega strax lánaður aftur. Hann kemur til með að spila með Plymouth Argyle til loka leiktíðar. Plymouth spilar í þriðju efstu deild.