Tímamót fyrir Jürgen

Leikur Liverpool og Manchester United var tímamótaleikur fyrir Jürgen Klopp. Hann stýrði Liverpool í 200. sinn í deildarleik frá því hann tók við liðinu haustið 2015.

Í þessum 200 leikjum hefur Jürgen Klopp leitt Liverpool til 127 sigra. Aðeins Jose Mourinho á betri árangur í sínum fyrstu 200 leikjum með lið. Chelsea vann 137 af fyrstu 200 deildarleikjum hans. 


Fyrsti deildarleikur Jürgen Klopp eftir að hann tók við stjórn Liverpool var á White Hart Lane 17. október 2015. Leiknum lauk með markalausu jafntefli.  

Leikurinn var 100. deildarleikurinn sem Liverpool spilar á Anfield undir stjórn Jürgen Klopp. Leiknum lauk án marka en fyrir leikinn hafði Liverpool skorað í 42 deildarleikjum í röð á heimavelli.