Enn fær Jürgen Klopp verðlaun

Enn fær Jürgen Klopp verðlaun. Einu sinni á ári eru veitt verðlaun fyrir knattspyrnu á norðvestursvæðinu á Englandi. Um er að ræða landsvæðið þar sem Liverpool og Manchester eru og þar í kring. Veitt eru verðlaun í ýmsum flokkum.

Jürgen Klopp var kjörinn Framkvæmdastjóri ársins fyrir leiktíðina 2019/20 og þarf það ekki að koma á óvart. Paul Cook (Wigan Athletic), Sean Dyche (Burnley) og Ian Evatt (Barrow AFC) voru líka tilnefndir. 

Kevin De Bruyne, leikmaður Manchester City, var kjörinn leikmaður ársins.


Ian St John, fyrrum leikmaður Liverpool, fékk heiðursverðlaunin í kjörinu að þessu sinni. Skotinn tryggði Liverpool FA bikarinn í fyrsta sinn þegar hann skoraði sigurmarkið í bikarúrslitaleiknum 1965. Liverpool vann Leeds United 2:1 í úrslitaleiknum. Ian var lykilmaður í liði Liverpool á sjöunda áratug síðustu aldar.