Virgil búinn í aðgerð

Virgil van Dijk er búinn að fara í hnjáaðgerð og nú tekur við endurhæfing. Aðgerðin var gerð núna í vikunni og eftir því sem segir í yfirlýsingu á Liverpoolfc.com tókst hún eins og best verður á kosið.

Ekki er ljóst hversu langt er í að Hollendingurinn geti spilað á nýjan leik. Í yfirlýsingum Liverpool, eftir að Virgil meiddist eftir atlögu Jordan Pickford markvarðar Everton, hefur ekkert verið sagt um hversu lengi Virgil verður frá. Stundum er eitthvað sagt um slíkt en ekki núna. Við vonum að Virgil verði sem fyrst tilbúinn í slaginn en mestu skiptir að hann nái sér fullkomlega!