Fabinho eitthvað frá

Fabinho Tavarez fór meiddur af velli í fyrri hálfleik á móti Midtjylland eftir að hafa tognað aftan í læri. Tognunin var ekki af verstu gerð en Brasilíumaðurinn verður eitthvað frá en kannski ekki mjög lengi. Ekkert hefur verið staðfest af félaginu um hversu langt er í að Fabinho geti spilað en ef allt gengur eftir gæti það orðið um miðjan nóvember. 

Nú er Joe Gomez eini miðvörðurinn sem Liverpool hefur til taks. Það er að segja sá eini sem hefur einhverja reynslu. Það er því spurning hver verður við hliðina á honum um helgina.